Vagelts Gott, Buzi!

Pfarra Hausladen feiat 90. Geburtsdog

+
Om: D Wiesböck Maria und da Eibl Hans ham fian Hausladen Erwin (Mitt) gspuit.

Mei, so vui Gschichtn! Mia feian mitm Hausladen Erwin – er hot grod am Mondog 90. Geburtsdog ghabt. Jetza machan oide Spezln fia eahm Stubnmusi, am Sonndog is na no a Dankgottesdienst.

Weil: Da Erwin war bis vor fünf Joah Pfarra. Do hot er vui erlebt, und do drüba redt er aa gern.

Zum Beispui üban Trenker Luis, der a guada Freind vo eahm war: „Wia da Luis im Sterm gleng is, im Oidda vo 97 Joah, hot er mi ogruaffa. I bin noch Bozen zu eahm gfahrn und hob eahm an letztn Segn gem. Er hot nacha gsogt: ,Wenn i om bin, na huif i Dir.‘ Und de Hilfe: De spür i tatsächlich heit no.“

De zwoa ham si scho alloa desweng guad vastandn, wei beide gern in Berg ganga san. Da Hausladen is ja aa ois da Berg-Pfarra bekannt, hot oft Berggottesdienste ghoitn: „Wenn ma recht hoch drom warn, hob i an Eispickl mitgnomma. Do damit hob i a Loch neighaut, fian Kelch und de Hostien, damits da Wind net davowaaht.“

Im normaln Lem war da Erwin aba Pfarra vo St. Thomas Morus in Sendling, wo er heit no beliebt is. Do songs olle „Buzi“ zu eahm – so hot er scho ois kloana Bua in da Schwanthalerhöh ­ghoaßn. Aus dem kloana Buam is a reifa Mo worn. Oana, der woaß, wo er herkimmt und desweng aa gern amoi bairische Predigtn hoit. Gibt des koan Ärga mit da Amtskirch? Er sogt: „Naa, do frog i aa gor net. Wer lang frogt, gäht lang irr. I bin oid gnua, dass i woaß, wos i wui.“

A Freind vom ehemalign Papst

Da Hausladen Erwin is net bloß dahoam in Sendling bekannt wiara bunta Hund – sogor in Rom kennansn. Koa Schmarrn: Da Ratzinger Joseph (87), da ehemalige Papst, is a Sepzl vo eahm! Da Hausladen erzäit: „Mia ham mitanand studiat, san mitanand zum Priesta gweiht worn, mia san per Du.“ Und de Freind­schaft hot ghoitn: „I war aa a boormoi bei eahm in Rom. Und i hob eahm imma mei Meinung gsogt – aa dann, wenn ma wos net gfoin hot.“ Andre Prominente san gern zum Hausladen in d Mess kemma: „Zum Beispui warn da Franz Josef Strauß und da Otto von Habsburg öfta do …“

Hei

Auch interessant

Mehr zum Thema:

Meistgelesen

Sirenen: Heute um 11 Uhr Probealarm in Bayern
Sirenen: Heute um 11 Uhr Probealarm in Bayern
Junger Motorradfahrer (17) stirbt bei Unfall
Junger Motorradfahrer (17) stirbt bei Unfall
Die letzten Musikkapellen ohne Frauen – und das wollen die Männer nicht ändern
Die letzten Musikkapellen ohne Frauen – und das wollen die Männer nicht ändern
Ehepaar stirbt bei Brand in Einfamilienhaus - Sohn kann gerettet werden
Ehepaar stirbt bei Brand in Einfamilienhaus - Sohn kann gerettet werden

Kommentare