Da Steirer-Bayer

Hochreiters: So werd eahna Wirtshaus am Viktualienmarkt

+
Da Hochreiter Werner (l.) und sei Brua­da, da Dieter.

Minga - Sauba, des herd si interessant o: Da Viktualienmarkt kriagt a neis Wirtshaus. Siebn Monat lang ham de Hochreiters, oiso de Zwillingsbriada Dieter und Werner, mit de Handwerker renoviert.

Sauba, des herd si interessant o: Da Viktualienmarkt kriagt a neis Wirtshaus. Do am Dreifaltigkeitsplatz, wo amoi da Löwe am Markt drin war, kimmt iatz da Steirer am Markt nei. Siebn Monat lang ham de Hochreiters, oiso de Zwillingsbriada Dieter und Werner, mit de Handwerker renoviert. Oiss hams aussighaut, d Kuchl und as ganze andere oide Sach.

Schee is worn: gmiatlich mit vui Hoiz und greane Sitzboisda. Iatzt miasn bloß no d Glasl und as Gschirr eigraamd wern – und da Strom, den miassns aa no eischoiddn. So rundumadum in zwoa Wocha kenna de Hochreiter-Wirtsleit na aufsperrn. Vui Blooz hams: In Gaststum bassn 90 Leit eini, draußn kenna 140 sitzn, wo an ganzn Dog d Sonna hischeint.

So schaut des Haus am Viktualienmarkt aus, wo de Wirtschaft drin is Buidl: da Götzfried Markus

Hoaßn duad de Wirtschaft „Steirer“, weil s Originalschmankerl aus da Steiermark gebn werd. „Mir san zwar gebürtige Mingara, aba mir meng d steirische Küch genauso wia d boarische – und an österreichischen Wein sowieso“, sogt da Hochreiter Werner. So steht auf da Kartn a Backhendl, a Wiena Schnitzl vom Koib oder a Dofespitz. „Mir kanntn song: Da Steirer werd a gehobene guad bürgerliche Küch ham“, song de Hochreiters.

Vom Auer Karl, am Ex-Löwen-Präsidentn, kimmt as Gselchte.

An guadn Speck und Schinkn hams aa. Da Auer Karl, da Ex-Löwen-Präsident, hod iatzt an Großhandel für Wurscht und beliefert an Steirer am Markt. „Mia ham a so a Glasvitrine, wo ma so kloane Jausn mit Gselchtem drin ham. Der Gast ko se aussuacha, wia vui er mog und aa wos ois Brotzeit mitnehma.“ 300 Weinsortn wern aa auf der Kartn steh – und ozapft werd iatz koa Löwenbräu mehr, sondern Augustiner.

De Familie Hochreiter hot seit de 70er-Joah aa no den griabign Biergartn am Viktualienmarkt.

Layes Tina

Auch interessant

Mehr zum Thema:

Meistgelesen

Mit diesem genialen Trick bleibt Brot länger frisch
Mit diesem genialen Trick bleibt Brot länger frisch
Überraschend: Flüssigkeit aus dem Steak - es ist kein Blut
Überraschend: Flüssigkeit aus dem Steak - es ist kein Blut
Süße Versuchung: Die besten Nussschnecken Münchens
Süße Versuchung: Die besten Nussschnecken Münchens
4 Dachterrassen in München, auf denen Sie jetzt sitzen sollten
4 Dachterrassen in München, auf denen Sie jetzt sitzen sollten

Kommentare