Familiensach

Circus Krone: Drei Generationa in oam Untanehmen

+
Martin Lacey jr. mit Jana Lacey-Krone und Sohn Alexis Lacey-Krone und Pferd Maestro.

Minga - Olle mitanand – andas daads gor net geh … Mia samma zu Gast beim Circus Krone. Im Moment kümman si zwoa Generationa drum, dass vorwärts gäht mitm Untanehmen.

D Sembach-Krone Christl (78) is oiwei no fia de wichtign Entscheidunga zuaständig. Aba ihra Adop­tivtochta, d Jana Mandana (35) übanimmt mita­nand mit ihram Mo, am Lacey Martin (37), oiwei mehra Vaantwortung. A Familiensach. Und da Bua, da Alexis Henry (6), stäht scho in de Startlächa fiad Manege. Da Papa, übrigns a gebürtiga Englända, sogt: „Er hat schon viel Spaß dran, mit unseren kleinen Löwen zu spielen …“

D Sembach-Krone Christl in ihram Büro aufm Krone-Gelände.

Des is aa guad aso. A Zirkus funktioniat bloß ois Familien-Untanehmen. D Jana sogt: „Ma braucht Zeit rund um d Uhr.“ Weil ma a Viech hoit net mit da Stechuhr betreun ko, weil ma oiwei dabei sei muaß, weil ma koan Urlaub macha ko. Da Alexis gwohnt si do scho dro. Ois Krone-Kind gäht er im Winter in d Blutenburgschui, während da Tournee werd er untawegs vo a mitreisendn Lehrarin untarricht. Logisch: Wer so vui Artistn kennt und so vui untawegs is, ko aa an Hauffa Sprachn – Deitsch mit Münchna Einschlog, Englisch scho wegam Papa, dazua Italienisch, Französisch, Spanisch, Portugiesisch und a bissl Chinesisch … Wia gsogt: Sechs Joah is er oid …

Im neia Joah gfreit si da Alexis scho auf a ganz a bsondane Vorstellung: Am 24. Februar gibts de große Gala vo da tz und Unicef – do tretn Kinda fia Kinda auf (schaugts noch im Kastn rechts). Und da Alexis is nadiali aa dabei. „Super-Sach“, findt er. Wos de andan Vorstellunga ogeht: Am Samsdog is Vorvakaufsstart fias erste Wintaprogramm (ab 25. Dezemba).

D Jana is d Juniorchefin

D Jana Mandana (35) is d Adoptivtochta vo da Sembach-Krone Christl. Sie is d Juniorchefin vom Circus. Dass sie vui Vaantwortung hot, zoagt si scho alloa dodro, dass sie fia d Pferdedressur zuaständig is (am Foto sehng­mas mitm Maestro). Pferdl san beim Krone Chefsach.

Da Martin is da Löwn-König

Da Lacey Martin (37) is da Jana ihra Mo. Logisch: Er kimmt aa aus ara Zirkus-Familie. Sei ­Spezialität san aba koane Pferdl, sondan Raubtiere – zum Beispui hot er wäitberühmte weiße ­Löwn. Logisch: Aa in dem ­Winta wern ma eahm mit dene Katzn in da Manege sehng.

Eahna Bua duad scho mit

Da Alexis Henry (6) is da Bua vo da Jana und vom Martin. Er gäht in d Schui, aba logisch: Wer aus dera Familie kimmt, hot aa mit de Viecha zum doa. Mit da Mama ihre Pferdl kennt er si scho genauso guat aus wia mitm Papa seine Raubkatzn.

Da Heichele Uli

Auch interessant

Meistgelesen

Berufung zurückgezogen: Todesfahrer muss in Haft
Berufung zurückgezogen: Todesfahrer muss in Haft
Video: Das ergaben die Ermittlungen zum OEZ-Amoklauf
Video: Das ergaben die Ermittlungen zum OEZ-Amoklauf

Was denken Sie über diesen Artikel?

Kommentare